پاکستان کے نئے ٹیسٹ اسکواڈ کا اعلان: بابر اعظم، شاہین اور نسیم آرام پر!”

پاکستان کرکٹ ٹیم نے انگلینڈ (Pak vs England) کے خلاف دوسرے اور تیسرے ٹیسٹ میچ کے لیے اپنا اسکواڈ اعلان کر دیا ہے۔

سلیکٹرز نے مستقبل کی ذمہ داریوں کو مدنظر رکھتے ہوئے بابر اعظم، نسیم شاہ، سرفراز احمد، اور شاہین شاہ آفریدی کو آرام دینے کا فیصلہ کیا ہے۔

نئے اسکواڈ میں شان مسعود (کپتان)، سعود شکیل (نائب کپتان)، عامر جمال، عبداللّٰہ شفیق، حسیب اللّٰہ (وکٹ کیپر)، کامران غلام، مہران ممتاز، میر حمزہ، اور محمد علی شامل ہیں۔ اس کے علاوہ، محمد ہریرہ، محمد رضوان (وکٹ کیپر)، نعمان علی، صائم ایوب، ساجد خان، سلمان علی آغا، اور زاہد محمود بھی ٹیم کا حصہ ہیں۔

یہ دونوں ٹیسٹ میچز 15 اور 24 اکتوبر کو ملتان اور راولپنڈی میں کھیلے جائیں گے۔ واضح رہے کہ انگلینڈ کو 3 ٹیسٹ میچز کی سیریز میں ایک صفر کی برتری حاصل ہے۔

بابراعظم کی غیر موجودگی: بابر اعظم کو کل رات بقیہ میچوں میں نہ کھلانے کا فیصلہ کر لیا گیا تھا، جس کا انہیں پہلے ہی علم تھا۔ ذرائع کے مطابق، اظہر محمود نے بابر سے طویل گفتگو کی۔

بابر، شاہین، اور نسیم کے غیر حاضر ہونے کی وجوہات فٹنس مسائل بتائی گئی ہیں۔ ان دونوں فاسٹ بولروں نے اپنی عدم دستیابی کی اطلاع ٹیم انتظامیہ کو دی، حالانکہ وہ صبح تک اسکواڈ میں شامل تھے۔

فخر زمان کی تنقید: قومی کرکٹر فخر زمان نے بابر اعظم کو ڈراپ کیے جانے کے فیصلے پر ناپسندیدگی کا اظہار کیا ہے۔ انہوں نے کہا کہ اس اقدام سے منفی پیغام جائے گا اور یہ کہنا بھی مناسب نہیں کہ بھارت نے ویرات کوہلی کو 3 سال کی خراب فارم کے باوجود ڈراپ نہیں کیا۔

فخر نے مشورہ دیا کہ گھبراہٹ میں فیصلے کرنے کے بجائے کھلاڑیوں کا تحفظ کیا جائے۔

یہ تمام تبدیلیاں پاکستان اور انگلینڈ (Pak vs England) کے درمیان ہونے والےپہلے ٹیسٹ میں‌ انگلینڈ کے ہاتھوں بدترین شکست کے بعد کی گئی ہیں، اور نئے اسکواڈ کی تشکیل نے شائقین کی توجہ اپنی جانب مبذول کر لی ہے۔

مزیدخبروں کے لیے ہماری ویب سائٹ ہم مارخور وزٹ کریں۔