وزیراعظم کی جانب سے پانچ آئی پی پیز سے معاہدے ختم کرنے کا اعلان۔

وفاقی حکومت نے مہنگی بجلی کے مسائل حل کرنے کی جانب اہم قدم اٹھایا ہے۔ وزیراعظم شہباز شریف نے بتایا ہے کہ پانچ آئی پی پیز (5 IPPs) کے ساتھ ٹیک اینڈ پے معاہدے ختم کر دیے گئے ہیں، جس سے عوام کو بڑی راحت ملے گی۔

وزیراعظم نے کہا کہ اس اقدام کے نتیجے میں بجلی صارفین کو سالانہ 60 ارب روپے اور قومی خزانے کو 411 ارب روپے کی بچت حاصل ہوگی۔ انہوں نے وضاحت کی کہ پانچ آئی پی پیز (5 IPPs) کے واجبات تو ادا کیے جائیں گے، لیکن سود کو ختم کر دیا گیا ہے۔ ان کمپنیوں کے مالکان نے قومی مفاد کی خاطر ان معاہدوں کی منسوخی قبول کی۔

شہباز شریف نے مزید بتایا کہ یہ معاہدے ختم کرنے کا عمل صرف آغاز ہے، اور مستقبل میں دیگر آئی پی پیز کے ساتھ بھی بات چیت کی جائے گی تاکہ بجلی کی قیمتوں میں کمی لائی جا سکے۔ انہوں نے یہ بھی بتایا کہ وزیر خزانہ محمد اورنگزیب آئی ایم ایف کے ساتھ مذاکرات کے لیے جائیں گے، جہاں وزیر توانائی بھی ان کے ہمراہ ہوں گے۔

مزیدخبروں کے لیے ہماری ویب سائٹ ہم مارخور وزٹ کریں۔