محمد رضوان کا اعتراف: ٹیم کی ناکامی پر قوم کی تنقید برحق

قومی کرکٹر محمد رضوان (Mohammad Rizwan) نے کہا ہے کہ ٹیم پر ہونے والی تنقید جائز ہے کیونکہ وہ قوم کی اُمیدوں پر پورا نہیں اُتر سکے۔ پشاور میں میڈیا سے گفتگو کرتے ہوئے انہوں نے کہا کہ موجودہ چیئرمین پی سی بی سخت محنتی ہیں اور کھلاڑیوں کی انتخاب کا حق ان کے پاس ہے۔ رضوان نے تسلیم کیا کہ جب ٹیم ہارتی ہے تو بیٹنگ اور بولنگ کی مضبوطی کا دعویٰ کرنا ممکن نہیں ہوتا۔

محمد رضوان (Mohammad Rizwan) نے کہا کہ ورلڈ کپ ٹی 20 میں ان کی کارکردگی مایوس کن رہی اور ٹیم میں تعصب کی باتیں بے بنیاد ہیں، سبز پرچم کے لیے سب کھیلتے ہیں۔ انہوں نے تسلیم کیا کہ ناکامی کی بہت سی وجوہات ہوتی ہیں اور محسن نقوی چیئرمین ہونے کے ناطے اپنا حق استعمال کریں گے۔

انہوں نے کہا کہ چیمپئنز ٹرافی دور ہے لیکن بنگلادیش کا ٹور قریب ہے اور کھیل میں ہار جیت ہوتی رہتی ہے۔ رضوان نے بتایا کہ افغان ٹیم نے اس ورلڈ کپ میں بہترین کارکردگی دکھائی۔ انہوں نے اسپورٹس جرنلسٹ کے عالمی دن پر گفتگو کرتے ہوئے کہا کہ جب وہ ملک کے لیے کھیلتے ہیں تو تعصب کی باتیں بے معنی ہیں، ان کے ذہن میں صرف یہ ہوتا ہے کہ مخالف ٹیم کون ہے۔

یاد رہے کہ ٹی 20 ورلڈ کپ 2024 میں پاکستان کو امریکا اور بھارت کے خلاف شکست کا سامنا کرنا پڑا تھا اور مسلسل دو شکستوں کے بعد پاکستانی ٹیم کا ورلڈ کپ سفر بارش کی وجہ سے جلد ختم ہوگیا تھا۔

مزیدخبروں کے لیے ہماری ویب سائٹ ہم مارخور وزٹ کریں۔