مہوش حیات اور ہنی سنگھ کی ’جٹ مہکما‘ میں بولڈ اینٹری، گینگسٹر روپ نے مداحوں کو حیران کر دیا

بھارتی گلوکار یو یو ہنی سنگھ اور پاکستانی اداکارہ مہوش حیات کا نیا گانا “جٹ مہکما” ریلیز کر دیا گیا، جس میں مہوش حیات (Mehwish Hayat) کو پہلی بار گینگسٹر کے منفرد روپ میں دکھایا گیا ہے۔ “جٹ مہکما” کا ٹیزر تو پہلے ہی مقبول ہو چکا تھا، تاہم 8 نومبر کو مکمل ویڈیو جاری کر دی گئی، جسے بھارت سمیت پاکستانی شائقین نے بھی پسند کیا۔
گانا ہنی سنگھ کے حالیہ میوزک البم “گلوری” میں شامل ہے، جو پہلے صرف آڈیو کی صورت میں پیش کیا گیا تھا، لیکن اب ویڈیو کے ساتھ جاری کر دیا گیا ہے۔ گانے میں مہوش حیات کو ہنی سنگھ کی محبت میں گرفتار گینگسٹر کے روپ میں ایکشن کرتے اور حریفوں کو مزہ چکھاتے ہوئے دکھایا گیا ہے۔

گانے کی ویڈیو کو ہنی سنگھ نے خود ڈائریکٹ کیا ہے، جس میں مہوش حیات (Mehwish Hayat) اور دیگر اداکاراؤں کو بولڈ انداز میں دکھایا گیا ہے۔ ویڈیو میں پرتعیش ہوٹل میں پارٹی کا منظر بھی شامل ہے جہاں مہوش اور ہنی سنگھ دوستوں کے ہمراہ انجوائے کرتے نظر آتے ہیں۔

مزیدخبروں کے لیے ہماری ویب سائٹ ہم مارخور وزٹ کریں۔