USD
SAR
AED
CAD
AUD
GBPآئندہ سال پاکستان میں ہونے والی آئی سی سی چیمپئنز ٹرافی (ICC Champions Trophy) میں بھارتی کرکٹ ٹیم نے پاکستان آنے سے انکار کر دیا ہے۔ بھارتی میڈیا کی رپورٹ کے مطابق بی سی سی آئی نے پی سی بی کو آگاہ کر دیا ہے کہ بھارتی ٹیم پاکستان میں کھیلنے کے بجائے دبئی میں اپنے میچز کھیلنا چاہتی ہے۔
یہ بات اہم ہے کہ پی سی بی پہلے ہی اس بات کی وضاحت کر چکا ہے کہ چیمپئنز ٹرافی پاکستان میں مکمل طور پر ہوگی اور ہائبرڈ ماڈل کا کوئی امکان زیر غور نہیں۔ پی سی بی کے ذرائع کا کہنا ہے کہ آئی سی سی وفد 10 نومبر کو پاکستان کا دورہ کرے گا تاکہ ایونٹ کے شیڈول کا اعلان کیا جا سکے۔
محسن نقوی نے بھارتی کرکٹ ٹیم کے انکار پر اپنے ردعمل میں کہا کہ کرکٹ کو سیاست سے پاک رکھا جانا چاہیے اور آئی سی سی چیمپئنز ٹرافی (ICC Champions Trophy) کے لیے تیاریاں جاری رکھی جائیں گی۔ ان کا کہنا تھا کہ اگر بی سی سی آئی کی طرف سے کوئی تحریری مؤقف آیا تو پاکستانی حکومت سے مشاورت کی جائے گی۔ انہوں نے قومی ٹیم کو آسٹریلیا کے خلاف فتح پر بھی مبارکباد دیتے ہوئے کہا کہ تمام کھلاڑیوں نے بہترین کارکردگی کا مظاہرہ کیا اور یہ فتح قوم کے لیے خوشی کا باعث بنی۔