علی امین گنڈاپور نے عمران خان کی رہائی کے لیے دو ہفتوں کی مہلت دے دی.

وزیراعلیٰ خیبر پختونخوا علی امین گنڈاپور ( Ali amin Ganda Pur) نے بانی پی ٹی آئی کو ایک سے دو ہفتے میں خود جیل سے چھڑانے کی دھمکی دے دی۔

اسلام آباد کے قریب سنگجانی میں پی ٹی آئی کے جلسے سے خطاب کرتے ہوئے وزیراعلیٰ خیبر پختونخوا علی امین گنڈاپور
( Ali amin Ganda Pur) نے صحافیوں کے حوالے سے بھی کہا کہ یہ قلم کو بیچ رہے ہیں، صحافی ارشد شریف تھا جو اپنے نظریے پر کھڑا رہا قلم کو نہیں بیچا. صحافی عمران ریاض ہے جس نے ظلم برداشت کیا لیکن اپنے نظریے سے پیچھے نہیں ہٹھا.
علی امین گنڈاپور نے کہا کہ میں قلم بیچنے والے صحافیوں کو ننگا کروں گا.

انہوں نے کہا کہ این آر او دینے والے ہار چکے ہیں۔ بانی پی ٹی آئی جیل میں بیٹھ کر جیت چکا ہے۔ قوم نے خوف کا بت توڑ دیا ہے۔

وزیراعلیٰ کے پی نے کہا کہ خیبر پختونخوا کے عوام نے طاقت کے زور پر اپنا مینڈیٹ چوری نہیں ہونے دیا،جابر حکمران کے خلاف آواز اٹھانا جہاد ہے، ہم یہ جہاد کریں گے۔

پی ٹی آئی کے جلسے میں پارٹی چیئرمین بیرسٹر گوہر، اتحاد کے سربراہ محمود خان اچکزئی، شیر افضل مروت، عمر ایوب، اور دیگر پارٹی رہنماؤں نے بھی خطاب کیا۔

بانی پی ٹی آئی عمران خان کی بہن علیمہ خان کی بھی جلسے میں شرکت کی، جبکہ جلسے میں حماد اظہر بھی منظر عام آئے اور خطاب بھی کیا۔

حماد اظہر نے خطاب میں کہا کہ پنجاب میں میدان سجنے لگا ہے، کارکن تیار رہیں۔

پی ٹی آئی رہنما علی محمد خان نے بھی جلسے سے خطاب کیا اور کہا کہ فارم 47 والے سن لیں اس سے پہلے کہ عوام کا سمندر بہا لے جائے، بانی پی ٹی آئی کو رہا کردیں۔

انہوں نے کہا کہ سپریم کورٹ، عدلیہ کو قانون سازی کی آڑ میں تباہ کرنے کی کوشش کی گئی تو سڑکوں پر نکلیں گے۔

مزیدخبروں کے لیے ہماری ویب سائٹ ہم مارخور وزٹ کریں۔