22 ستمبر کو ایم ڈی کیٹ ٹیسٹ، پاکستان اور بیرون ملک امتحانی مراکز میں سختی۔

ایم ڈی کیٹ (MD Cat) کے امتحان کے امیدواروں کے لیے اہم اطلاع: ٹیسٹ 22 ستمبر کو پاکستان کے ساتھ ساتھ سعودی عرب اور متحدہ عرب امارات میں بھی منعقد کیا جائے گا۔

تفصیلات کے مطابق، پنجاب حکومت نے ایم ڈی کیٹ (MD Cat) امتحان کے لیے 12 شہروں میں دفعہ 144 نافذ کرنے کا فیصلہ کیا ہے اور اس کی اطلاع جاری کردی گئی ہے۔ اس نوٹیفکیشن میں کہا گیا ہے کہ 22 ستمبر کو مذکورہ شہروں میں یہ دفعہ نافذ ہوگی۔

نوٹیفکیشن کے مطابق، ان شہروں میں لاہور، گوجرانوالہ، سیالکوٹ، فیصل آباد، ملتان، بہاولپور، ڈی جی خان، ساہیوال، راولپنڈی، سرگودھا، گجرات اور رحیم یارخان شامل ہیں۔

مزید یہ کہ نوٹیفکیشن میں واضح کیا گیا ہے کہ صرف امیدواروں اور سپروائزری عملے کو امتحانی مراکز میں داخل ہونے کی اجازت ہوگی، جبکہ غیر متعلقہ افراد کی امتحانی مراکز سے 100 گز کے فاصلے تک نقل و حرکت پر پابندی ہوگی۔

اس کے علاوہ، امتحانی مراکز اور ان کے اطراف میں کسی قسم کے احتجاج یا مظاہروں کی اجازت نہیں ہوگی۔

یہ بات بھی یاد رہے کہ ٹیسٹ 22 ستمبر کو سندھ، پنجاب، بلوچستان، خیبرپختونخوا، اسلام آباد، گلگت بلتستان، سعودی عرب اور متحدہ عرب امارات میں بھی منعقد ہوگا۔

مزیدخبروں کے لیے ہماری ویب سائٹ ہم مارخور وزٹ کریں۔