مادھوری ڈکشت کی ایکشن اور تھرلرسے بھرپور ویب سیریز۔

بالی وُڈ کی مقبول ترین اداکارہ مادھوری ڈکشت اب ایکشن اور تھرلر کے مکس میں اپنی صلاحیتوں کا جوہر دکھانے کے لیے تیار ہیں۔

انہوں نے تیلگو فلموں کے مشہور ہدایتکار ناگیش ککنور کی ویب سیریز میں سیریل کلر کا کردار نبھانے کا فیصلہ کیا ہے۔ اس سے پہلے، مادھوری نے او ٹی ٹی پلیٹ فارم پر دلچسپ اور سنسنی خیز فلم ‘دی فیم گیم’ کے ساتھ اپنا ڈیجیٹل آغاز کیا تھا۔

تازہ ترین خبر کے مطابق، اس ویب سیریز کا نام ‘مسز دیش پانڈے’ رکھا گیا ہے۔ اس پروجیکٹ کے بارے میں مختلف قیاس آرائیاں ہو رہی ہیں کہ یہ سیریز ایک پولیس افسر کے گرد گھومتی ہے، جس میں ایک قاتل کو پکڑنے کے لیے دوسرے قاتل کی خدمات لی جاتی ہیں۔

بھارتی میڈیا کی رپورٹوں کے مطابق، یہ سیریز ایک فرانسیسی شو کا ری میک ہے، اور اسے بڑے پیمانے پر تیار کیا جائے گا۔

رپورٹس میں کہا گیا ہے کہ مادھوری ڈکشت کو اس ویب سیریز میں مرکزی کردار کے لیے منتخب کیا گیا ہے اور ان کی منظوری کے بعد ناگیش ککنور کی یہ ویب سیریز بطور ہدایتکار پہلی بار سامنے آئے گی۔ مادھوری کے مداح اپنی پسندیدہ اداکارہ کو دیکھنے کے لیے بے صبری سے انتظار کر رہے ہیں۔