USD
SAR
AED
CAD
AUD
GBPلیفٹیننٹ جنرل محمد علی نے سیکریٹری دفاع (Secretary Defence) کا عہدہ سنبھال لیا ہے، ان کی تعیناتی وزیرِ اعظم شہباز شریف کی جانب سے گزشتہ ہفتے کی گئی تھی۔ انہیں اس عہدے پر دو سال اور تین ماہ کے لیے مقرر کیا گیا ہے، جس کے تحت وہ 31 دسمبر 2026 تک خدمات انجام دیں گے۔
یہ تعیناتی ایک ایسے وقت میں ہوئی ہے جب لیفٹیننٹ جنرل عاصم ملک نے ڈی جی آئی ایس آئی کا عہدہ سنبھالا ہے، اور سابق ڈی جی آئی ایس آئی لیفٹیننٹ جنرل ندیم انجم ( Lt. Gen. Nadeem Anjum) اپنے عہدے سے بھی سبکدوش ہوگئے۔
سابق سیکریٹری دفاع (Secretary Defence) لیفٹیننٹ جنرل (ر) حمود الزمان کی مدت اگست میں مکمل ہو چکی تھی، جس کے بعد وزارت دفاع کے ایڈیشنل سیکرٹری کو عارضی طور پر سیکریٹری دفاع کی ذمہ داریاں سونپی گئی تھیں۔ میجر جنرل عامر اشفاق کیانی، جو قائم مقام سیکریٹری دفاع تھے، آج اپنی ذمہ داریوں سے سبکدوش ہوگئے، اور اب لیفٹیننٹ جنرل محمد علی اس اہم منصب پر مکمل چارج لے چکے ہیں۔
یہ تقرری ملک میں دفاعی امور اور پالیسی سازی میں تسلسل کے لیے ایک اہم قدم سمجھا جا رہا ہے۔