USD
SAR
AED
CAD
AUD
GBPچیئرمین پی ٹی آئی، بیرسٹر گوہر علی خان (Barrister Gohar Khan) نے اعلان کیا ہے کہ 28 ستمبر، بروز ہفتہ، راولپنڈی میں ایک بڑا جلسہ منعقد کیا جائے گا جس کے لیے این او سی کی درخواست الیکشن کمیشن کو جمع کروا دی گئی ہے۔
اسلام آباد میں کے پی کے ہاؤس میں پارٹی کی کور کمیٹی کے اجلاس کے بعد میڈیا سے گفتگو کرتے ہوئے بیرسٹر گوہر نے کہا کہ اجلاس کے دوران سپریم کورٹ کے حالیہ فیصلے پر تفصیلی غور کیا گیا۔ انہوں نے کہا کہ یہ فیصلہ جمہوریت کو مزید مستحکم کرنے کا عزم ظاہر کرتا ہے اور پارٹی امیدوار ہمیشہ پارٹی کا ہی نمائندہ مانا جائے گا۔
انہوں (Barrister Gohar Khan) نے الیکشن کمیشن پر تنقید کرتے ہوئے کہا کہ کمیشن نے اپنی خودمختار حیثیت سے سمجھوتہ کیا ہے اور 41 میں سے 40 امیدواروں کے حلف نامے وصول کر کے بھی نوٹیفکیشن جاری نہیں کیا۔ بیرسٹر گوہر نے سپریم کورٹ کے فیصلے کو سراہتے ہوئے کہا کہ یہ عوام کے ووٹ کی اہمیت کو اجاگر کرتا ہے اور الیکشن کمیشن کو اس فیصلے پر عملدرآمد کرنے پر مجبور کیا جائے گا۔
انہوں نے مزید کہا کہ پی ٹی آئی کسی غیر قانونی ترمیم کی بھرپور مخالفت کرے گی اور جلسے کی تیاریوں کے حوالے سے عوام کو یقین دلایا کہ یہ عمران خان کی ہدایت پر ہوگا۔
مزیدخبروں کے لیے ہماری ویب سائٹ ہم مارخور وزٹ کریں۔