“حکومت ناکام، عبدالغفور حیدری کا فوری انتخابات کا مطالبہ: کرپشن اور مہنگائی پر شدید تنقید”

جمعیت علمائے اسلام (ف) کے رہنما مولانا عبدالغفور حیدری (Abdul Ghafoor Haideri) نے کہا ہے کہ موجودہ حکمرانوں سے ملک کا نظام سنبھالا نہیں جا رہا اور یہ حکومت مزید نہیں چل سکتی، فوری طور پر منصفانہ اور شفاف انتخابات کرائے جائیں۔

کراچی میں میڈیا سے بات کرتے ہوئے مولانا حیدری نے کہا کہ انتخابات میں بدعنوان افراد کو زبردستی مسلط کیا جاتا ہے۔ حکومتی نمائندے خود تسلیم کر چکے ہیں کہ حکومت چلانے میں ناکام ہیں، اور آئین میں آرڈیننس کا کوئی مستقل کردار نہیں، اسے صرف وقتی طور پر استعمال کیا جا سکتا ہے۔

انہوں نے مزید کہا کہ بلوچستان کا مسئلہ طاقت سے حل نہیں کیا جا سکتا، خیبر پختونخوا اور بلوچستان میں عوامی مطالبات کو سنجیدگی سے دیکھنا اور حل نکالنا ضروری ہے۔

مولانا عبدالغفور حیدری (Abdul Ghafoor Haideri) حکومت پر تنقید کرتے ہوئے کہا کہ آئی ایم ایف کو حکمرانوں نے خود ملک پر مسلط کیا ہے اور مہنگائی میں کمی کے جھوٹے دعوے کیے جا رہے ہیں۔ ملکی معیشت کو درست کرنے کے لیے تمام فریقین کو مل بیٹھ کر حل نکالنا ہوگا۔

مزیدخبروں کے لیے ہماری ویب سائٹ ہم مارخور وزٹ کریں۔