USD
SAR
AED
CAD
AUD
GBPسعودی عرب کے شہر مدینہ منورہ میں شدید گرمی کے باوجود زائرین (Pilgrims) کی بڑی تعداد دربار رسول صلی اللہ علیہ وآلہ وسلم کی زیارت کے لیے پہنچ رہی ہے۔
سعودی خبر رساں ادارے کے مطابق گزشتہ ہفتے مسجد نبوی صلی اللہ علیہ وآلہ وسلم میں 54 لاکھ 10 ہزار 89 زائرین نے حاضری دی جبکہ اسی عرصے میں 2 لاکھ 30 ہزار 823 زائرین (Pilgrims) نے ریاض الجنہ میں نماز ادا کی۔
مسجد نبوی صلی اللہ علیہ وآلہ وسلم میں آبِ زم زم کی سپلائی میں اضافہ کر دیا گیا ہے۔ اس کے علاوہ، مسجد نبوی صلی اللہ علیہ وآلہ وسلم اور اس کے صحن میں معذور اور بوڑھے افراد کے لیے الیکٹرانک گاڑیاں اور وہیل چیئرز بھی فراہم کی گئی ہیں۔
اسی دوران، سعودی عرب میں مسجد نبوی صلی اللہ علیہ وآلہ وسلم کے قریب الصافیہ میوزیم اینڈ پارک کو زائرین کے لیے کھول دیا گیا ہے۔ رپورٹ کے مطابق، الصافیہ میوزیم اینڈ پارک میں جدید ٹیکنالوجی کے ذریعے اسلامی تاریخ کے واقعات کو پیش کیا جا رہا ہے۔
ساڑھے چار ہزار مربع میٹر سے زیادہ رقبے پر پھیلا ہوا یہ پارک، کائنات کے آغاز سے لے کر انبیائے کرام اور نبی اکرم صلی اللہ علیہ وآلہ وسلم کی مکی اور مدنی زندگی کے واقعات کو جدید تھری ڈی ویژن کے ذریعے دکھاتا ہے۔