چانڈکا اسپتال،لاڑکانہ میں 520 ملین روپے کے مبینہ غبن کی تحقیقات شروع۔

ذرا ئع کے مطابق، جمعرات کے روز لاڑکانہ، سندھ کے چانڈکا میڈیکل کالج اسپتال میں 520 ملین روپے سے زائد کے مبینہ مالی بدعنوانی کی تحقیقات شروع کر دی گئی ہیں۔

اینٹی کرپشن اسٹیبلشمنٹ لاڑکانہ نے سابق میڈیکل سپرنٹنڈنٹ (ایم ایس) ڈاکٹر گلزار تانیو سے 2022 میں اسپتال کے آلات کی خریداری میں بدعنوانی کے الزامات کی جانچ پڑتال شروع کر دی ہے۔

تحقیقات کے دوران مالی بدانتظامی کے شواہد جمع کیے گئے ہیں، اور محکمہ صحت نے 2021 سے 2023 تک کے معاہدوں، خریداریوں اور اخراجات کے ریکارڈ کی درخواست کی ہے۔

اس کے باوجود، ڈاکٹر تانیو چانڈکا ہسپتال میں اسسٹنٹ میڈیکل سپرنٹنڈنٹ (AMS) کی حیثیت سے کام کر رہے ہیں۔ حکام اس ہائی پروفائل کرپشن کیس میں مزید معلومات حاصل کرنے کی کوششیں تیز کر رہے ہیں۔

مزیدخبروں کے لیے ہماری ویب سائٹ ہم مارخور وزٹ کریں۔