پی ٹی آئی کے گرفتار ایم این ایز کو سب جیل سے رہائی مل گئی۔

پاکستان تحریک انصاف (پی ٹی آئی) کے گرفتار ایم این ایز کو پارلیمنٹ لاجز (Parliament Lodges) سے سب جیل کی حیثیت میں رہائی مل گئی، جس کے بعد وہ اپنے گھروں کو روانہ ہوگئے۔

رہائی پانے والوں میں شیخ وقاص اکرم، شیر افضل مروت اور عامر ڈوگر شامل ہیں، جبکہ پی ٹی آئی کے دیگر رہنماؤں زین قریشی، مولانا نسیم شاہ، احمد چٹھہ، یوسف خان اور احد شاہ بھی آزاد کر دیے گئے ہیں۔

یاد رہے کہ حال ہی میں اسپیکر قومی اسمبلی سردار ایاز صادق نے گرفتار اراکین کی درخواست پر پارلیمنٹ لاجز کو سب جیل قرار دینے کی منظوری دی تھی۔ اس کے بعد پی ٹی آئی کے گرفتار ارکان قومی اسمبلی کو پارلیمنٹ لاجز (Parliament Lodges) میں رکھا گیا تھا، اور سب جیل کا نوٹیفکیشن بھی جاری کر دیا گیا تھا۔ یہ تمام رہنما 9 ستمبر کو گرفتار ہوئے تھے۔

مزیدخبروں کے لیے ہماری ویب سائٹ ہم مارخور وزٹ کریں۔