USD
SAR
AED
CAD
AUD
GBP9 مئی کے مقدمات: امریکہ، برطانیہ اور یورپی یونین کی منصفانہ ٹرائل پر زور
پاکستان میں 9 مئی کے پرتشدد واقعات کے مقدمات میں فوجی عدالتوں (Military Courts) سے 25 ملزمان کو سزائیں سنانے پر بین الاقوامی برادری کی جانب سے سخت ردعمل سامنے آیا ہے۔ برطانیہ نے پاکستانی حکومت پر زور دیا ہے کہ وہ انسانی حقوق اور بین الاقوامی معاہدوں کے تحت اپنی ذمہ داریاں نبھائے، جبکہ امریکہ اور یورپی یونین نے بھی فیصلے پر گہری تشویش کا اظہار کیا ہے۔
برطانوی دفتر خارجہ کے بیان میں کہا گیا ہے کہ فوجی عدالتوں (Military Courts) میں سویلینز کے ٹرائل سے شفافیت اور آزادانہ عدالتی کارروائی پر سوال اٹھتا ہے۔ یہ عمل نہ صرف منصفانہ ٹرائل کے حقوق کی خلاف ورزی ہے بلکہ پاکستان کی خود مختاری کے باوجود عالمی معاہدوں سے متصادم بھی ہے۔
یورپی یونین کے ترجمان نے آئی سی سی پی آر کے آرٹیکل 14 کا حوالہ دیتے ہوئے کہا کہ ہر شخص کو آزاد اور غیر جانبدار عدالت میں منصفانہ ٹرائل کا حق حاصل ہے۔ امریکی دفتر خارجہ نے بھی ملٹری ٹریبیونلز میں شفافیت کی کمی پر گہری تشویش کا اظہار کیا اور پاکستانی حکام پر زور دیا کہ وہ قانونی طریقہ کار کی پاسداری کریں۔
یاد رہے 9 مئی 2023 کو سابق وزیراعظم عمران خان کی گرفتاری کے بعد ملک گیر احتجاج کے دوران حساس سرکاری اور فوجی تنصیبات پر حملے کیے گئے، جن میں قیمتی املاک کو نقصان پہنچا۔ آئی ایس پی آر کے مطابق، سزائیں انصاف کی فراہمی میں اہم سنگ میل ہیں اور قانون کی خلاف ورزی کرنے والوں کے لیے تنبیہ ہیں۔