ٹیکساس امریکی کمپنی کا ڈرون شو: 5 ہزار ڈرونز سے عالمی ریکارڈ قائم!

امریکی کمپنی کے ڈرون شو (Sky Elements & UVify Drone show) نے 5 ہزار ڈرونز بیک وقت اڑا کر ایک نیا عالمی ریکارڈ قائم کیا، جو دنیا کے سب سے بڑے ڈرون شو کا اعزاز ہے۔

میڈیا رپورٹس کے مطابق، یہ ریکارڈ ریاست ٹیکساس میں ایک کرسمس ایونٹ کے دوران قائم کیا گیا، جہاں امریکی کمپنی اسکائی ایلیمنٹس اور یوویفائی (Sky Elements & UVify Drone show) نے اپنے ہی 2500 ڈرونز کے سابقہ ریکارڈ کو پیچھے چھوڑ دیا۔
https://www.instagram.com/reel/DDbtjS_OMF1/?utm_source=ig_embed&ig_rid=e642732f-6383-4581-b0e3-48e747304f29
اس شو کے دوران 4981 رنگ برنگے ڈرونز کی مدد سے جنجر بریڈ گاؤں کی تصویر آسمان پر بنائی گئی، جو دیکھنے والوں کے لیے ناقابل یقین تجربہ ثابت ہوا۔ یہ کمپنی کا 11 واں گینیز ورلڈ ریکارڈ ہے، جو ان کے تخلیقی کاموں کی بہترین مثال ہے۔

اس سے پہلے، کمپنی نے پچھلے مہینے 2486 ڈرونز کے ذریعے شکر خورے (ہمنگ برڈ) کی تصویر بنا کر ایک اور ریکارڈ اپنے نام کیا تھا، جو ڈرونز کی مدد سے تیار کی گئی دنیا کی سب سے بڑی پرندے کی تصویر تھی۔

اب، تقریباً 5 ہزار ڈرونز کے شو کے ذریعے اس نے ایک نیا سنگِ میل عبور کیا ہے، جو لوگوں کو حیرت میں ڈالنے کے ساتھ ساتھ خوشی کا باعث بھی بنا۔

یہ شاندار شو سوشل میڈیا پر وائرل ہو رہا ہے اور ناظرین کی بھرپور داد وصول کر رہا ہے۔

مزیدخبروں کے لیے ہماری ویب سائٹ ہم مارخور وزٹ کریں۔