قائد اعظم ٹرافی ملتوی،ڈپارٹمنٹ چیئرمین محسن نقوی کی منظوری کے منتظر-

پاکستان کرکٹ بورڈ (پی سی بی) نے فرسٹ کلاس کرکٹ ٹورنامنٹ، قائد اعظم ٹرافی (Quaid e Azam Trophy) ، کے آغاز کو مؤخر کرنے کا فیصلہ کیا ہے۔ یہ ٹورنامنٹ 20 اکتوبر کو شروع ہونے والا تھا، لیکن اس سیزن کی تفصیلات کی عدم تکمیل کی وجہ سے اب اس میں تاخیر ہو رہی ہے۔

ذرائع کے مطابق، قائد اعظم ٹرافی (Quaid e Azam Trophy) کی نئی تاریخوں کا جلد اعلان متوقع ہے۔ ڈومیسٹک ڈپارٹمنٹ اس سلسلے میں پی سی بی کے چیئرمین محسن نقوی کی منظوری کا انتظار کر رہا ہے۔ ریجنل ٹیموں کے کھلاڑی اس ٹورنامنٹ کی تیاریوں میں مصروف تھے، لیکن اب تک حتمی ٹیمیں اور شیڈول جاری نہیں کیے جا سکے ہیں۔

یہ پہلا موقع نہیں ہے جب پی سی بی نے ڈومیسٹک کرکٹ کے شیڈول میں تبدیلی کی ہو۔ اس سے قبل انڈر 19 ٹورنامنٹ بھی آغاز کے پہلے دن ہی معطل کیا گیا تھا۔

پی سی بی کے ڈومیسٹک ڈپارٹمنٹ نے ایک متبادل منصوبہ کے تحت ڈپارٹمنٹس کو پریذیڈنٹ ٹرافی کے لیے تیار رہنے کی ہدایت بھی کی ہے۔ اگر قائد اعظم ٹرافی کے انعقاد میں مزید تاخیر ہوئی، تو پہلے ڈپارٹمنٹس کا فرسٹ کلاس ٹورنامنٹ منعقد کیا جائے گا، جو کہ پہلے 6 جنوری کو شیڈول کیا گیا تھا۔

مزیدخبروں کے لیے ہماری ویب سائٹ ہم مارخور وزٹ کریں۔