وزیرِ اعظم کی مشاورت پر، وزارت قانون نے اسلام آباد ہائی کورٹ کے سابق جج جناب جسٹس شوکت عزیز صدیقی (Shaukat Aziz Siddiqui) کی برطرفی کو ریٹائرمنٹ میں تبدیل کرنے کا نوٹیفکیشن بلآخر جاری کر دیا۔
نوٹی فکیشن کے مطابق، جسٹس شوکت عزیز صدیقی کی ریٹائرمنٹ کی تاریخ 30 جون 2021 ہے۔ ان کی پہلی برطرفی کا نوٹیفکیشن واپس لیا گیا ہے۔
اس سے پہلے، 3 مئی کو صدر مملکت نے ان کی ریٹائرمنٹ کا نوٹیفکیشن جاری کرنے کی منظوری دی تھی۔
صدر کی منظوری کے مطابق، ریٹائرمنٹ کی تاریخ 30 جون 2021 ہے۔ جسٹس شوکت عزیز صدیقی کو سپریم جوڈیشل کونسل کی سفارشات پر آئین کے آرٹیکل 209(6) کے تحت اسلام آباد ہائی کورٹ کے جج کے عہدے سے ہٹایا گیا تھا۔ آخری سماعت کے دوران، عدالت نے یہ سوال کیا کہ” کیا سپریم جوڈیشل کونسل نے شوکت عزیز صدیق کی برطرفی سے قبل باضابطہ طریقہ کار پر عمل کیا تھا اور کیا اپنا فیصلہ محفوظ کر لیا تھا؟۔ سپریم کورٹ نے 22 مارچ کو سنائے گئے فیصلے میں سابق جج اسلام آباد ہائی کورٹ شوکت عزیز صدیقی (Shaukat Aziz Siddiqui) کی برطرفی کا نوٹی فکیشن کالعدم قرار دے دیا تھا۔
مزیدخبروں کے لیے ہماری ویب سائٹ ہم مارخور وزٹ کریں۔