بجلی 4.74 روپے فی یونٹ مہنگی، دسمبر کے بلوں میں وصولی کی جائیگی

بجلی 4.74روپے فی یونٹ مہنگی کر دی گئی،قیمت میں اضافہ اکتوبر کے فیول پرائس ایڈجسٹمنٹ کی مد میں کیا گیا ہے۔

صارفین سے اضافی بوجھ دسمبر کے بلوں میں وصول کیا جائے گا ،اضافے کا اطلاق کے الیکٹرک صارفین پر لاگو نہیں ہوگا۔

نیپرا نےبجلی مہنگی کرنے کا نوٹیفیکیشن جاری کردیا ،ادھر وزارت توانائی نے 22نومبر کو بجلی کی قیمت میں ماہانہ فیول ایڈجسمنٹ سے متعلق میڈیا خبروں کی پہلے ہی وضاحت کر چکی ہے ۔

وزرات کے مطابق نیپرا میں موجودہ درخواست صرف ایک مہینے کے دوران استعمال شدہ ایندھن (فیول) کی مد میں تھی اس فیصلے کا بجلی کی قیمت پر کوئی مستقل اثر نہیں پڑے گا۔

نیپرا ہر مہینے فیول پرائس ایڈجسٹمنٹ کی عوامی سماعت کرتا ہے -آج کے نیپرا کے ماہانہ فیول ایڈجسٹمنٹ کے فیصلے کی بنیاد بھی عالمی مارکیٹ میں اکتوبر کے مہینے میں ایندھن کی قیمتوں میں اضافہ ہے۔