اشنا شاہ نے پاکستانی ڈراموں پر تنقید کرنے والی ٹوئٹر صارف کو آڑے ہاتھوں لے لیا

حال ہی میں شادی کے بندھن میں بندھنے والی پاکستان شوبز انڈسٹری سے وابستہ اداکارہ اشنا شاہ (Ushna Shah)نے پاکستانی ڈراموں پر تنقید کرنے والی ٹوئٹر صارف کو آڑے ہاتھوں لے لیا۔مائیکرو بلاگنگ سائٹ ٹوئٹر پر ’حسن ہے سہانا‘ کے نام سے ٹوئٹر صارف نے لکھا کہ ’بین الاقوامی ڈراموں کو دیکھ کر احساس ہوتا ہے کہ پاکستانی ڈرامہ انڈسٹری منفرد کہانیوں کے حوالے سے کتنی محدود ہے، تخلیقی پہلو سے محروم زیادہ سے زیادہ کسی جن کو کہانی کا حصہ بنا دیتے ہیں، یا پھر ان کی کہانیوں میں سازشی ساس، واویلا مچانے والی بہوؤں اور دنیا سے بے خبر مرد جیسے دقیانوسی کردار شامل ہوتے ہیں۔

Watching international dramas really brings into perspective how limited the Pakistani drama industry is in terms of stories. There is literally no creativity. The maximum anyone can venture is to bring in a jinn. It’s mildly infuriating honestly

— Husn Hai Suhana (@Fatmounh) May 23, 2023

مذکورہ ٹوئٹر صارف نے مایوسی کا اظہار کرتے ہوئے مزید لکھا کہ جب تک پاکستانی ڈراموں میں نئی کہانیاں متعارف نہیں کروائی جاتیں تب تک میں پاکستانی ڈرامے نہیں دیکھوں گی۔

بس پھر کیا تھا فنکاروں اور شوبز اندسٹری کا دفاع کرنے کی خاطر اداکارہ اشنا شاہ(Ushna Shah) نے ٹوئٹر صارف کو آڑے ہاتھوں لیتے ہوئے طویل پوسٹ شیئر کی، جس میں انہوں نے انڈسٹری میں کام کے دوران پیش آنے والی مشکلات تحریر کیں اور منفرد موضوعات پر مبنی ڈراموں اور فلموں کی ناکامی کا ذمہ دار ناظرین کو ٹھہرا دیا۔

اداکارہ نے لکھا کہ ’ ہم بجٹ کے لحاظ سے محدود ہیں، آپ جان کر حیران ہوں گی کہ ہم کتنے بجٹ میں کام کرتے ہیں، پروڈکشن اور پیمرا کی اجارہ داری ہے، پروڈیوسرز روایتی کہانیوں سے ہٹ کر کہانیوں پر پیسہ خرچ کرنے کا خطرہ مول نہیں لینا چاہتے کیونکہ جب کبھی وہ کسی ایسے پروجیکٹس پر پیسے لگاتے ہیں جو روایت سے ہٹ کر ہوتے ہیں تو ناظرین اسے دیکھتے ہی نہیں یا پھر وہ پابندی کی نظر ہو جاتے ہیں۔
انہوں نے چند پابندیوں کا سامنا کرنے والے پروجیکٹس کا تذکرہ کرتے ہوئے مستقبل کے لئے امید ظاہر کی اور مزید لکھا کہ نئے آنے والے فلم ساز نئے اور منفرد آئیڈیاز لے کر سامنے آ رہے ہیں بس انہیں فنڈز کی ضرورت ہے۔

Insider info: it isn’t so bleak.
Some non-saas bahu & even non-love-story storylines are in the works in the industry currently and should be released soon. The tide is turning, slowly but surely, inshallah.

— Ushna Shah (@ushnashah) May 23, 2023

اس کے ساتھ ہی انہوں نے نئے آنے والے پروجیکٹس کے بارے میں بھی بتایا کہ کچھ نئی کہانیاں ساس بہو اور لو اسٹوریز سے ہٹ کر جلد پیش کی جائیں گی۔

مزیدخبروں کے لیے ہماری ویب سائٹ ہم مارخور وزٹ کریں۔