USD
SAR
AED
CAD
AUD
GBPسندھ ایجوکیشن فانڈیشن اورایجوکیشن اسٹارٹ اپ Edkasa(Tik Tok and startup company) اور کے اشتراک سے 10 ہزار بچوں کو اسکالرشپ فراہم کریں گے۔معروف ویڈیو ایپ ٹک ٹاک اور ایجوکیشن اسٹارٹ اپ Edkasa نے سندھ کے 10 ہزار بچوں کو اسکالر شپ فراہم کرنے کے لیے سندھ ایجوکیشن فانڈیشن کے ساتھ اشتراک کرلیا۔اس شراکت داری کے تحت سندھ کے وسائل سے محروم علاقوں کے بچوں کو معیاری تعلیم تک رسائی آسان بنائی جائے گی۔
اسکالرشپ سے نویں اور دسویں جماعت کے طلبا استفادہ کرسکیں گے۔پاکستانی طلبا کو امتحانات کی تیاری میں مدد کے لیے ایگزام ریڈی کے نام سے شروع کی جانے والی اس مہم کے تحت کیمسٹری، فزکس اور ریاضی سے متعلق 500 تدریسی ویڈیوز تیار کی گئی ہیں جن میں موثر طریقے سے مطالعہ کے مشورے اور آزمائشی امتحان کی مشقیں شامل ہیں۔
ٹک ٹاک کے پلیٹ فارم پر دستیاب یہ تدریسی ویڈیوز پاکستانی طلبا میں تیزی سے مقبول ہورہی ہیں اور اب تک 10کروڑ ویڈیوز اپ لوڈ کی جاچکی ہیں جنہیں 66 کروڑ 50 لاکھ بار دیکھا جاچکا ہے۔
ٹک ٹاک کی منیجر پبلک پروگرام اینڈ پارٹنر شپ برائے جنوبی ایشیا اور پاکستان زارا بشارت ہگاس نے کہا کہ تعلیم ایک بنیادی حق ہے اور ٹیکنالوجی کی مدد سے طلبا کی معیاری تعلیم تک رسائی کو آسان بنایا جاسکتا ہے، ہم سندھ کے وسائل سے محروم علاقوں کے طلبا کو معیاری تعلیم تک رسائی فراہم کرسکیں گے یہ شراکت داری پاکستان کے بچوں اور نوجوانوں پر مثبت اثرات مرتب کرکے پاکستان کے لیے دوررس فوائد کا سبب بنے گی۔
ایجوکیشن اسٹارٹ اپ Edkasa(Tik Tok and startup company) کے سی ای او فہد تنویر نے کہا کہ مختلف اداروں کے مل کر کام کرنے سے معیاری تعلیم کو عام کرنے کے بہت سے مواقع اور امکانات روشن ہوتے ہیں، اس ضمن میں ٹک ٹاک اور سندھ ایجوکیشن فانڈیشن کے تعاون پر مبنی اس اقدام سے سندھ بھر میں طلبا کی Edkasa ایپلی کیشن کے ذریعے تعلیم کے حصول کے لیے معاونت پر بے حد مسرور ہیں۔سندھ ایجوکیشن فانڈیشن کے رکن عبدالکبیر قاضی نے کہا کہ حکومت سندھ نے سندھ ایجوکیشن فانڈیشن کے ذریعے صوبہ میں تعلیم کے فروغ اور ترقی کے لیے متعدد اقدامات اٹھائے ہیں بالخصوص پبلک پرائیوٹ پارٹنرشپ کے ذریعے سندھ بھر کے 2600اسکولوں کے 8 لاکھ50ہزار طلبا کو فائدہ پہنچا ہے۔
انہوں نے کہا کہ ایگزام ریڈی مہم کے ذریعے سندھ کے طلبا کو پریمیئم کوالٹی کے تدریسی مواد تک رسائی حاصل ہوگی یہ ایک بروقت اقدام ہے اور میٹرک کے امتحانات میں مشغول طلبا کو اس سے بھرپور فائدہ ہوگا.