عمران خان اور حکومت مذاکرات سے معاملات حل کریں، طاہراشرفی

اسلام آباد(ویب ڈیسک) پاکستان علماء کونسل کے چیئرمین حافظ طاہر محمود اشرفی (Tahir Mehmood Ashrafi)نے کہا ہے کہ عمران خان اور حکومت مذاکرات کے ذریعے معاملات حل کریں۔ سیاستدان میثاق معیشت کریں، ہنگامہ آرائی اور جتھہ بازی سے پاکستان کا نقصان ہوگا۔

لاہورمیں میڈیا سے گفتگو کرتے ہوئے حافظ طاہر محمود اشرفی نے کہا کہ ملک بھر میں آج پاکستان علماء کونسل کی اپیل پر یوم خودداری و رواداری منایا گیا، دین ایک دوسرے کیلئے برداشت پیدا کرنےکا درس دیتا ہے۔

انہوں نے کہا کہ آئین اور جمہوریت کی پاسداری کرنے میں ہی ملک کی بھلائی ہے۔طاہرمحمود اشرفی کا کہنا تھا کہ حریت رہنما یاسین ملک کو سزا دینا بھارت کی بزدلانہ اور شرم ناک کارروائی ہے، ہم اس کی مذمت کرتےہیں۔