پرویز الہٰی کی پارٹی رکنیت معطل، شوکاز نوٹس جاری، وضاحت طلب

لاہور (نیوز ڈیسک) مسلم لیگ (ق) کے صدر چوہدری شجاعت حسین (Shujaat Hussain) نے پرویز الہٰی کی پارٹی رکنیت معطل کرتے ہوئے انہیں شوکاز نوٹس جاری کردیا، جبکہ مونس الٰہی، حسین الٰہی اور کامل علی آغا کو شوکاز نوٹس جاری کر دیا۔

لاہور میں چوہدری شجاعت حسین نے پرویز الہٰی کے بیانات پر اجلاس طلب کیا جس میں طارق بشیر چیمہ، سالک حسین اور شافع حسین شریک تھے۔

شوکاز میں کہا گیا ہے کہ پارٹی کا صوبائی صدر پارٹی کو دوسری جماعت میں ضم نہیں کرسکتا۔

نوٹس کے مطابق پرویز الہٰی غیر آئینی اور غیر قانونی اقدام کی وضاحت دیں، وضاحت آنے تک پرویز الہٰی کی پارٹی رکنیت معطل رہے گی۔

پرویز الہٰی کو 7 دن کے اندر اپنے غیر آئینی اقدام کی وضاحت کرنے کی ہدایت دی گئی ہے، وضاحت نہ دینے پر ان کے خلاف کارروائی کی جائے گی۔

نوٹس میں کہا گیا ہے کہ مسلم لیگ (ق) بطور سیاسی جماعت اپنا ووٹ بینک، ڈسپلن، منشور اور ضابطہ رکھتی ہے۔نوٹس میں مزید کہا گیا ہے کہ اگر آپ کسی دوسری جماعت میں جا رہے ہیں تو مستعفی ہو کر جائیں، عہدے آپ کے پاس پارٹی کی امانت ہیں، اگر آپ مستعفی نہ ہوئے تو ڈی سیٹ کرایا جائے گا، اپنی پوزیشن فوری واضح کریں۔

صدر چوہدری شجاعت حسین (Shujaat Hussain) کی جانب سے جاری کئے گئے شوکاز میں مزید کہا گیا کہ پرویز الہٰی کے گزشتہ روز کے بیانات پارٹی ضابطے کی خلاف ورزی ہیں۔

مزیدخبروں کے لیے ہماری ویب سائٹ ہم مارخور وزٹ کریں۔