اعظم سواتی کا غصہ اور مایوسی جائز ہے: عمران خان

پاکستان تحریکِ انصاف کے چیئرمین عمران خان(Imran Khan) نے کہا ہے کہ ناانصافی پر اعظم سواتی کا غصہ اور مایوسی جائز ہے، حیران ہوں ہم کتنی تیزی سے فاشسٹ ریاست کی طرف بڑھ رہے ہیں۔اعظم سواتی کی گرفتاری کے حوالے سے عمران خان(Imran Khan) نے سوشل میڈیا پر پیغام میں لکھا ہے کہ حراست میں تشدد اور بلیک میل کرنے کی سینیٹر سواتی اور ان کی اہلیہ کی ویڈیو ان کے اہلِ خانہ کو بھیجنے کی تکلیف کو کوئی کیسے نہیں سمجھ سکتا؟

عمران خان نے لکھا ہے کہ اعظم سواتی کی حمایت میں سینیٹرز کی اپیلوں کے 15 دن سے زیادہ گزرنے کے باوجود سپریم کورٹ کے دروازے ان کے لیے بند رہے۔

His justifiable anger & frustration at the injustice meted out to him especially the doors of SC remaining closed to him despite over a fortnight of appeals by Senators in support of him. So he tweets & is arrested again. Everyone must raise their voice against this state fascism

— Imran Khan (@ImranKhanPTI) November 27, 2022

سابق وزیرِ اعظم نے مزید لکھا ہے کہ وہ (اعظم سواتی) ٹویٹ کرکے دوبارہ گرفتار ہو گئے، اس ریاستی فاشزم کے خلاف سب کو آواز اٹھانی ہو گی۔

واضح رہے کہ وفاقی تحقیقاتی ادارے ایف آئی اے نے چک شہزاد کے فارم ہاؤس سے آج صبح متنازع بیان پر گرفتار کیے گئے تحریکِ انصاف کے سینیٹر اعظم سواتی کے خلاف تضحیک اور پیکا ایکٹ کے تحت مقدمہ درج کر لیا ہے۔

مزیدخبروں کے لیے ہماری ویب سائٹ ہم مارخور وزٹ کریں۔