پاکستان اسٹاک ایکسچینج میں تیزی ، 100 انڈیکس 44 ہزار 444 پوائنٹس پر بند

اسلام آباد(ویب ڈیسک) پاکستان اسٹاک ایکسچینج میں کاروبار میں تیزی دیکھی گئی، 100 انڈیکس 600 سے زائد پوائنٹس کے اضافے کے بعد 44 ہزار 444 پوائنٹس پر بند ہوا۔

تفصیلات کے مطابق ہفتے کے آخری کاروباری روز جمعے کو پاکستان اسٹاک مارکیٹ میں تیزی دیکھی گئی، دن کے آغاز پر 100 انڈیکس میں 226 پوائنٹس کا اضافہ ہوا جس کے بعد انڈیکس 44 ہزار 52 پوائنٹس پر پہنچ گیا۔

دن کے وسط تک بڑھنے والے پوائنٹس کی تعداد 698 ہوگئی اور 100 انڈیکس 44 ہزار 484 پوائنٹس پر ٹریڈ کرنے لگا۔ دن کے اختتام تک 100 انڈیکس مجموعی طور پر 657 پوائنٹس اضافے کے ساتھ 44 ہزار 444 پوائنٹس پر بند ہوا۔