نیوزی لینڈ کے کرکٹر نے ریٹائرمنٹ کا اعلان کردیا

آکلینڈ: نیوزی لینڈ کے ریکارڈ ساز بیٹسمین راس ٹیلر نے انٹرنیشنل کرکٹ سے ریٹائرمنٹ کا اعلان کردیا، ٹیلر نیوزی لینڈ کی جانب سےسب سے زیادہ ٹیسٹ اور ون ڈے رنز بنانے کا اعزاز رکھتے ہیں۔

تفصیلات کے مطابق کیوی کرکٹر نے سماجی رابطے کی ویب سائٹ ٹوئٹر پر اپنی ریٹائرمنٹ سے متعلق پیغام میں لکھا کہ انٹرنیشنل کرکٹ سے ریٹائرمنٹ کا اعلان آسان فیصلہ نہیں تھا مگر اب ریٹائرمنٹ کا وقت آچکا ہے، موجودہ سیزن کیریئر کا آخری سیزن ہوگا، بنگلہ دیش کیخلاف دو ٹیسٹ ، آسٹریلیا اور نیدر لینڈ کیخلاف 6 ایک روزہ انٹرنینشل میچز کے بعد کرکٹ کو خیر باد کہہ دوں گا۔


راس ٹیلر نے نیوزی لینڈ کی جانب سے 110 ٹیسٹ، 233 ایک روزہ اور 102 ٹی ٹوینٹی انٹرنیشنل میچز میں حصہ لیا، اپنے 17 سالہ کرکٹ کیریئر میں اپنی ٹیم کی نمائندگی کرتے ہوئے کئی ریکارڈز اپنے نام کیے۔

راز ٹیلر نے کرکٹ کے تمام فارمیٹ میں مجموعی طور پر 18074رنز اسکور کئے، نیوزی لینڈ کے سب زیادہ انٹرنیشنل سنچریاں بنانے والے کھلاڑی بھی راس ٹیلر ہیں، ان کی مجموعی سینچریوں کی تعداد 40 ہے۔