قومی اسمبلی: منحرف اراکین سمیت پی ٹی آئی کی نشتیں 70 رہ گئی

پاکستان تحریک انصاف (پی ٹی آئی) کے 80 ممبران قومی اسمبلی(National Assembly) کے استعفے منظور ہونے کے بعد قومی اسمبلی میں اب پی ٹی آئی ارکان کی تعداد 70 رہ گئی ہے جس میں منحرف ارکان بھی شامل ہیں۔اسپیکر قومی اسمبلی راجہ پرویز اشرف نے جمعہ کے روز تحریک انصاف کے تیسرے مرحلے میں مزید 35 ممبران قومی اسمبلی کے استعفے منظور کر لیے۔

اس سے چند دن قبل اسپیکر نے پہلے 11 اور پھر 35 پی ٹی آئی ارکان کے استعفے منظور کیے تھے جن میں عوامی مسلم لیگ کے سربراہ شیخ رشید احمد بھی شامل ہیں۔

قومی اسمبلی(National Assembly) سیکریٹریٹ کے مطابق اب قومی اسمبلی میں پی ٹی آئی ارکان کی کل تعداد 70 رہ گئی ہے جن میں 20 سے زائد منحرف ارکان بھی شامل ہیں۔

واضح رہے کہ پی ٹی آئی کے جعفر لغاری، اور ڈاکٹر عامر لیاقت کے انتقال، ڈاکٹر ذوالفقار بھٹی کی دوبارہ گنتی میں سیٹ ہارنے اور عمران خان کے نا اہل ہونے پر کل 5 نشستیں کم ہو چکی ہیں۔

مزیدخبروں کے لیے ہماری ویب سائٹ ہم مارخور وزٹ کریں۔