پاکستان میں ہر صورت گیس کی قیمت میں اضافہ کیا جانا چاہیے، مصدق ملک

وزیر مملکت برائے پیٹرولیم مصدق ملک(Musadik Malik) کا کہنا ہے کہ پاکستان میں ہر صورت گیس کی قیمت میں اضافہ کیا جانا چاہیے۔سینیٹ میں بات کرتے ہوئے مصدق ملک نے کہا کہ حکومت نے گھریلو نیٹ ورک میں توسیع پر گیس قلت کے سبب پابندی لگائی، پاکستان میں گیس کی قیمت نہیں بڑھائی۔

انہوں نے کہا کہ لوگوں پر اضافی بوجھ نہیں ڈالا، مگر یہ بوجھ خزانے پر آ رہا ہے، گیس کے اضافی کنکشن ایل این جی پر دے سکتے ہیں جو بہت مہنگی ہے۔

مصدق ملک (Musadik Malik)کا مزید کہنا ہے کہ پورے ملک میں گیس 1600 ایم ایم سی ایف ڈی ہے جبکہ ملک میں 3200 ایم ایم سی ایف ڈی پیداوار ہے۔

وزیر مملکت نے یہ بھی کہا کہ 1400 ایم ایم سی ایف ڈی گیس بجلی اور کھاد بنانے میں جاتی ہے، پورے ملک کے لیے 1600 ایم ایم سی ایف ڈی گیس استعمال ہوتی ہے۔

اس موقع پر پی ٹی آئی سینیٹر اعجاز چوہدری نے کہا کہ جب سے یہ حکومت آئی ہے گیس میں کتنا اضافہ ہوا،جو دو تین روز حکومت کے رہ گئے ہیں اس میں کتنا اضافہ کریں گے۔

مزیدخبروں کے لیے ہماری ویب سائٹ ہم مارخور وزٹ کریں۔