فلم ’دی لیجنڈ آف مولا جٹ‘ نے ریلیز سے پہلے ہی بڑا ریکارڈ اپنے نام کرلیا

Showbiz: معروف پاکستانی فلمساز بلال لاشاری کی فلم ’دی لیجنڈ آف مولا جٹ‘ نے ریلیز سے پہلے ہی بڑا ریکارڈ اپنے نام کرلیا۔فلم کے ٹریلر نے ریلیز ہوتے ہی سوشل میڈیا پر دھوم مچا دی ہے، اب تک تمام سوشل میڈیا پلیٹ فارمز بشمول فیس بک، یوٹیوب، ٹِک ٹاک اور انسٹاگرام پر اسے 60 ملین سے زیادہ ویوز مل چکے ہیں۔

اس فلم کو پاکستان کی اب تک کی سب سے مہنگی فلمیں کہا جارہا ہے، جس میں ملک کے سب سے زیادہ مہنگے اداکاروں کو کاسٹ کیا گیا ہے، یعنی حمزہ علی عباسی، فواد خان، ماہرہ خان، حمائمہ ملک، گوہر رشید اور دیگر جانے مانے اداکار شامل ہیں۔

اداکاروں کے علاوہ فلم ’دی لیجنڈ آف مولا جٹ‘ میں پاکستانی انڈسٹری کے کچھ نامور گلوکاروں کو بھی شامل کیا گیا ہے جن میں علی عظمت اور فارس شفیع کے نام بھی شامل ہیں۔

پنجابی زبان میں بنائی گئی یہ فلم 1979ء میں ریلیز ہونے والی کلاسک پاکستانی فلم ’مولا جٹ‘ کا ریمیک ہے۔

اس فلم کے ڈائیلاگز ناصر ادیب نےجبکہ اسکرین پلے بلال لاشاری نے لکھا ہے۔

خیال رہے کہ پروڈکشن ٹیم نے اس فلم کو 2019ء میں ریلیز کرنے کا منصوبہ تھا لیکن اب یہ 13 اکتوبر 2022ء کو سینما گھروں کی زینت بنے گی

مزیدخبروں کے لیے ہماری ویب سائٹ ہمارخور وزٹ کریں۔