خواجہ آصف کا بھارتی میڈیا پر عمران خان کو ملنے والی پذیرائی کا تذکرہ

اسلام آباد (نیوز ڈیسک) وزیر دفاع خواجہ محمد آصف( Khawaja Asif) نے عمران خان کو بھارتی میڈیا سے ملنے والی پذیرائی کا تذکرہ کردیا.ایک بیان میں خواجہ آصف نے کہا کہ بھارتی میڈیا اس وقت عمران خان کی اتنی سپورٹ کر رہا ہے، جتنی وہ نریندر مودی کی بھی نہیں کرتا ہے۔

انہوں نے کہا کہ پاک فوج اور آئی ایس آئی کے خلاف عمران جو فرمائشی زبان بول رہا ہے، بھارتی میڈیا اسے فل کوریج دے رہا ہے۔

وزیر دفاع نے مزید کہا کہ عمران خان اقتدار کی ہوس میں ایک پاکستانی کی پہچان کی ساری سرخ لکیریں کراس کر گیا ہے۔

ان کا کہنا تھا کہ عمران خان پاکستان کے ازلی دشمن کا ترجمان بن گیا، یہ کیسا پاکستانی ہے۔

مزیدخبروں کے لیے ہماری ویب سائٹ ہمارخور وزٹ کریں۔