جاوید اقبال پر خاتون سے غیر اخلاقی گفتگو کا سنگین الزام

لاپتہ افراد کے کمیشن کے سربراہ اور سابق چیئرمین نیب جاوید اقبال(Javed Iqbal) پبلک اکاؤنٹس کمیٹی کے نرغے میں آگئے، خاتون سے مبینہ طور پر غیر اخلاقی گفتگو کے سنگین الزام میں پی اے سی میں آج متاثرہ خاتون اور سماجی کارکن آمنہ مسعود جنجوعہ سے آمنا سامنا ہو گا۔

چیئرمین نور عالم خان نے کہا کہ جاوید اقبال(Javed Iqbal) نے لاپتہ افراد کے کمیشن میں آنے والی خاتون کو کہا کہ آپ اتنی خوب صورت ہیں، آپ کو شوہر کی کیا ضرورت ہے۔
اس سے پہلے جاوید اقبال اور ایک اور خاتون طیبہ گل کے مبینہ ویڈیو اسکینڈل کی تحقیقات کے لیے بھی چیئرمین پی اے سی نے جاوید اقبال اور طیبہ گل کو پی اے سی میں بلانے کا امکان ظاہر کیا تھا۔

طیبہ گل نے الزام عائد کیا تھا کہ وہ اپنے شوہر کی غیر قانونی گرفتاری کی شکایت لے کر سابق چیئرمین نیب جاوید اقبال کے پاس گئیں، تو ان سے غیر اخلاقی گفتگو کی گئی۔

وزیر اعظم ہاؤس کے سٹیزن پورٹل پر شکایت کی تو وہاں سے بھی انصاف نہ ملا۔