امریکی کمپنی کا گوہر ممتاز کو خراج تحسین

پاکستان میوزک انڈسٹری سے وابستہ معروف گلوکار گوہر ممتاز(Goher Mumtaz) کے گانے ’پرندا‘ کی ویڈیو نے نیویارک ٹائمز اسکوائر پر دھوم مچا دی۔امریکی گٹار بنانے والی نجی کمپنی نے پاکستانی گلوکار کو خراج تحسین پیش کرتے ہوئے جل بینڈ کی البم ’بارش‘ سے ان کے گانے ’پرندا‘ کی نئی ویڈیو نیویارک ٹائمز اسکوائر پر جاری کر دی۔

خیال رہے کہ اس سے قبل 2017 میں بھی البم ’بارش‘ کے گانے ’پرندا‘ کی ایک ویڈیو یوٹیوب پر شیئر کی گئی تھی جس میں گوہر ممتاز (Goher Mumtaz)کے ہمراہ اداکارہ و ماڈل نازش جہانگیر تھیں۔

دوسری جانب فوٹو اینڈ ویڈیو شیئرنگ پلیٹ فارم انسٹاگرام پر گلوکار نے امریکی گٹار بنانے والی نجی کمپنی کا شکریہ ادا کیا اور لکھا کہ خراج تحسین پیش کرنے کا شکریہ، پاکستان سے گزشتہ ایک دہائی سے آپ کا برانڈ ایمبیسیڈر ہونا خوش آئند ہے۔

مزیدخبروں کے لیے ہماری ویب سائٹ ہم مارخور وزٹ کریں۔