جنیوا کانفرنس پاکستان اور سیلاب متاثرین کیلئے بڑی کامیابی ہے، مریم اورنگزیب

وفاقی وزیر اطلاعات مریم اورنگزیب کا کہنا ہے کہ جنیوا کانفرنس(Geneva conference) پاکستان اور سیلاب متاثرین کے لیے بڑی کامیابی ہے، سیکریٹری جنرل اقوام متحدہ اور عالمی برادری کا شکریہ ادا کرتے ہیں۔سماجی رابطے کی ویب سائٹ ٹوئٹر پر جاری کیے گئے سلسلہ وار ٹوئٹس میں مریم اورنگزیب نے کہا کہ شفافیت کے ساتھ فنڈز عوام کو پہنچائیں گے، ان کی زندگیوں میں تبدیلی لائیں گے۔

مریم اورنگزیب کا کہنا ہے کہ انسانیت اور موسمیاتی تبدیلیوں کے کاز کو مؤثر انداز میں اجاگر کرنے پر عالمی اور ملکی ذرائع ابلاغ کا شکریہ، جنیوا کانفرنس(Geneva conference) انسانیت کے اجتماعی احساس کی علامت بنی ہے۔

عالمی فورم پر پاکستان کے لوگوں کی حمایت کرنے والے ملکی و غیرملکی شرکاء کا بھی پرخلوص شکریہ ادا کرتے ہیں سیلاب کے بعدوزیراعظم شہباز شریف نے تمام صوبوں اور اداروں کو ساتھ لے کر جس طرح اجتماعی کوششیں کیں،یہ اس کے ثمرات ہیں اور اتحادی حکومت کی مشترکہ کوششوں کا عالمی سطح پر اعتراف ہے

— Marriyum Aurangzeb (@Marriyum_A) January 10, 2023

انہوں نے کہا کہ وسائل کی فراہمی سے سیلاب متاثرین کی نئی اور بہتر زندگی شروع کرنے میں مدد ملے گی، کانفرنس نے موسمیاتی تبدیلیوں کے سنگین اثرات کا دنیا کو احساس دلایا۔

جینیوا کانفرنس پاکستان اور سیلاب متاثرین کے لئے بڑی کامیابی ہے سیکریٹری جنرل اقوام متحدہ، عالمی برادری کا شکریہ ادا کرتے ہیں شفافیت کے ساتھ فنڈز کی امانت عوام کو پہنچائیں گے، ان کی زندگیوں میں تبدیلی لائیں گے #ResilientPakistan

— Marriyum Aurangzeb (@Marriyum_A) January 10, 2023

وفاقی وزیر اطلاعات کا مزید کہنا ہے کہ کانفرنس انسانیت اور کرہ ارض کی ماحولیاتی بہتری میں اہم عالمی فورم ثابت ہو گی، پاکستان اور صوبوں کا کیس پیش کرنے اور اس کی حمایت کرنے والے ملکی اور غیر ملکی شرکاء بھی شکریہ۔

ان کا یہ بھی کہنا ہے کہ سیلاب آتے ہی وزیرِ اعظم شہباز شریف نے تمام صوبوں اور اداروں کو ساتھ لے کر اجتماعی کوششیں کیں، یہ اتحادی حکومت کی مشترکہ کوششوں کا عالمی سطح پر اعتراف ہے۔

مزیدخبروں کے لیے ہماری ویب سائٹ ہم مارخور وزٹ کریں۔