گال ٹیسٹ کا تیسرے دن، سری لنکا کی بیٹنگ جاری

پاکستان اور سری لنکا کے درمیان گال(Galle Test Match) انٹرنیشنل اسٹیڈیم میں کھیلے جا رہے پہلے ٹیسٹ(Test Match) کے دوسری اننگز میں میزبان ٹیم ذمے دارانہ بیٹنگ کا مظاہرہ کر رہی ہے۔

سری لنکا کی تیسرے کے کھیل کے آغاز میں دوسری وکٹ گر گئی تھی لیکن اس کے بعد اوشادہ فرنینڈو اور کوشال مینڈس بہترین کھیل کا مظاہرہ کیا، دونوں بیٹرز بالترتیب 62 اور 44 رنز بنا کر وکٹ پر موجود ہیں۔

دوسرے روز کے اختتام تک سری لنکا (Srilanka)نے دوسری اننگز میں 1 وکٹ کے نقصان پر 36 رنز بنالیے ہیں جبکہ اس کو مجموعی 40 رنز کی برتری حاصل ہو گئی ہے۔
سری لنکا کی پہلی اننگز
سری لنکن ٹیم اپنی پہلی اننگز میں222 رنز بنا کر آؤٹ ہوگئی تھی۔
سری لنکا کی طرف سے دنیش چندی مل سب سے نمایاں کھلاڑی رہے جنہوں نے 76 رنز کی اننگز کھیلی۔

پاکستان(Pakistan)کی جانب سے شاہین شاہ آفریدی 4، یاسر شاہ اور حسن علی نے 2، 2 جبکہ نسیم شاہ اور محمد نواز نے ایک ایک وکٹ حاصل کی۔

پاکستان کی پہلی اننگز
سری لنکا کے 222 رنز کے جواب میں جہاں قومی ٹیم مشکلات کا شکار ہوئی وہیں ایک مرتبہ پھر مردِ بحران کپتان بابر اعظم نے ایک یادگار اننگز کھیل کر ٹیم کو بڑے خسارے سے بچا لیا۔

قومی ٹیم 218 رنز بنا کر پویلین لوٹی، اس اننگز میں بابر اعظم نے اپنے ٹیسٹ کیریئر کی 7 ویں سنچری بھی بنائی۔
پاکستان کی جانب سے محمد رضوان 19، یاسر شاہ 18 اور حسن علی 17 رنز کے ساتھ نمایاں بلے باز رہے۔

سری لنکا کی جانب سے پربتھ جے سوریا نے 5 وکٹیں حاصل کیں، ان کے علاوہ مہیش ٹھیکشانا اور رمیش مینڈس 2، 2 جبکہ کاسن راجیتھا کے حصے میں ایک وکٹ آئی۔