فواد چوہدری کو گرفتار کرلیا گیا

پاکستان تحریک انصاف کے رہنما فواد چوہدری(Fawad Chaudhry) کو لاہور سے اسلام آباد پولیس نے گرفتار کرلیا۔پولیس ذرائع کا کہنا ہے کہ فواد چوہدری کو ٹھوکر نیاز بیگ کے قریب ان کی رہائش گاہ سے گرفتار کیا گیا ہے، انہیں اسلام آباد لےجایا جائےگا۔پی ٹی آئی رہنما فرخ حبیب نے فواد چوہدری (Fawad Chaudhry)کی حراست کے حوالے سے سماجی رابطے کی ویب سائٹ ٹوئٹر پر اپنے ٹوئٹ میں بتایا کہ فواد چوہدری کو ان کے گھر سے گرفتار کرلیا گیا ہے۔

فواد چوہدری کو پولیس نے ان کے گھر سے ابھی گرفتار کرلیا ہے۔ امپورٹڈ حکومت بوکھلاہٹ کا شکار ہوگئی ہے

— Farrukh Habib (@FarrukhHabibISF) January 25, 2023

ان کا ٹوئٹ میں مزید کہنا ہے کہ امپورٹڈ حکومت بوکھلاہٹ کا شکار ہوگئی ہے۔

پولیس کی یہ گاڑیاں فواد چوہدری کو گرفتار کرکے لے جارہی ہے pic.twitter.com/CJXiAHO3fQ

— Farrukh Habib (@FarrukhHabibISF) January 25, 2023

فرخ حبیب نے اپنے دوسرے ٹوئٹ میں ایک ویڈیو بھی شیئر کی ہے جس میں انہوں نے دعویٰ کیا ہے کہ یہ وہ پولیس کی گاڑیاں ہیں جو فواد چوہدری کو گرفتار کرکے لے جارہی ہیں۔

دوسری جانب فواد چوہدری کی گرفتاری کے حوالے سے کیے گئے دعوے کی ابھی تک تصدیق نہیں ہوسکی ہے۔

مزیدخبروں کے لیے ہماری ویب سائٹ ہم مارخور وزٹ کریں۔