پی ٹی آئی رہنماء فواد چودھری کی ضمانت منظور، رہا کرنے کا حکم

اسلام آباد (نیوز ڈیسک) – پاکستان تحریک انصاف (پی ٹی آئی ) کے رہنماء فواد چودھری (Fawad Chaudhary) کی ضمانت منظور کر لی گئی، رہا کرنے کا حکم دیدیا گیا۔

اسلام آباد کی سیشن عدالت نے فواد چودھری کی درخواستِ ضمانت منظور کرلی۔ ایڈیشنل سیشن جج نے فواد چودھری کی مشروط ضمانت منظور کی۔ ریمارکس دیے شرط یہ ہے کہ فواد چودھری دوبارہ ایسا بیان نہیں دیں گے۔

وکیل بابراعوان بولے عدالتی فیصلہ حق اور سچ کی جیت ہے، جیسی کارروائیاں ہورہی ہیں اس سے حوصلے پست نہیں ہونگے۔

فواد کی اہلیہ حبہ چودھری (Fawad Chaudhary) نے کہا فواد پر فرد جرم اور چالان جمع نہیں ہوا، ابھی اڈیالہ جیل جارہی ہیں، فواد کو اپنے ساتھ آج ہی گھر لے کر جائیں گے۔

پی ٹی آئی کے سیکرٹری جنرل اسد عمر نے کہا کہ فواد چودھری پر اس بات کا مقدمہ تھا کہ وہ سچ کیوں بولتا ہے، فواد چودھری جو پہلے کرتا تھا، آپ کے ساتھ اس سے بُرا کرنے والا ہے۔

پی ٹی آئی رہنماء مراد سعید نے کہا کہ فواد چودھری کی ضمانت ہوگئی، ان کے ساتھ جو سلوک ہوا سب نے دیکھا۔

اس موقع پر فواد چوہدری کی اہلیہ بھی موجود تھیں جنہوں نے ہاتھ اٹھا کر کارکنوں کا ساتھ دیا.

تحریک انصاف کے سوشل میڈیا اکاؤنٹ پر فواد چودھری کی رہائی کی خبر پر ویڈیو شیئر کی گئی ہے جس میں دیکھا جاسکتا ہے کہ کارکنوں کی جانب سے “فواد آیا،سواد آیا” کے نعرے لگائے گئے۔

فواد آیا ۔۔۔ سواد آیا
فواد چوہدری کی ضمانت منظور ہونے پر عدالت کے باہر مناظر۔ pic.twitter.com/wSEdQtFQ6u

— PTI (@PTIofficial) February 1, 2023

مزیدخبروں کے لیے ہماری ویب سائٹ ہم مارخور وزٹ کریں۔