USD
SAR
AED
CAD
AUD
GBPلاہور : مسلم لیگ ن کے رہنما حنیف عباسی ایفی ڈرین کیس(Ephedrine Case) سے بری کر دیا گیا اور عمرقیدکی سزافیصلہ کالعدم قرار دے دیا۔
تفصیلات کے مطابق لاہورہائیکورٹ میں مسلم لیگ ن کے رہنما حنیف عباسی کے خلاف ایفی ڈرین کیس کی سماعت ہوئی۔
لاہور ہائیکورٹ کی جسٹس عالیہ نیلم کی سربراہی میں دو رکنی بنچ نےحنیف عباسی کی ایفیڈرین کیس میں سزا کیخلاف اپیل منظور کرلی اور ٹرائل عدالت کی جانب سے سنائی گئی پچیس سال اور جرمانے کی سزاء کوکالعدم قرار دے دیا ۔
حنیف عباسی کے وکیل نے عدالت کو بتایا تھا کہ محکمہ صحت نے 28 کمپنیوں کو ایفیڈرین (ephedrine)کا کوٹہ الاٹ کیا،عام حالات سے ہٹ کر زیادہ کوٹہ الاٹ کرنے کی تحقیقات کا آغاز کیا گیا۔
وکیل کا کہنا تھا کہ یہ بھی الزام لگایا گیا کہ ایفیڈرین منشیات فروشوں کو فراہم کی گئی، جن لوگوں کو کم ایفیڈرین (Ephedrine) کوٹہ الاٹ ہوا ان کیخلاف کارروائی ہوئی جبکہ زیادہ کوٹہ الاٹ کرنیوالوں کیخلاف کارروائی نہیں کی گئی،صرف سات کمپنیوں کیخلاف مقدمات درج کیے گئے باقی کو چھوڑ دیا گیا ۔
سرکاری وکیل نے بتایا تھا کہ ایفیڈرین حنیف عباسی کی کمپنی کو موصول ہوئی تھی،ایفیڈرین (Ephedrine) سے کتنے کیپسول، گولیاں تیار ہوئیں ثبوت انہوں نے دینا تھے، کتنی لاٹ کون کون سی کمپنی کو دی گئی انوائس فراہم نہیں کی گئی، ٹراٸل کورٹ نے قانون کے مطابق سزا سناٸی۔
جسٹس عالیہ نیلم کی سربراہی میں 2رکنی بینچ نے وکلا کے دلاٸل کے بعد فیصلہ سنایا، فیصلے میں عدالت نےحنیف عباسی کو کیس سے بری کر دیا۔
فیصلے کے بعد مسلم لیگ ن کے رہنماحنیف عباسی نے میڈیا سے گفتگو کرتے ہوئے کہا کہ 2012میں مجھ پر مقدمہ درج ہوا، نوازشریف نےاس وقت کہاتھاکہ یہ مقدمہ جھوٹا ہے۔
حنیف عباسی کا کہنا تھا کہ میں عدالتوں سے نہیں بھاگا،25 سال قیدسنائی گئی اس وقت عدالت میں تھا، 11ماہ جیل کاٹی،دو الیکشن میں مجھے باہر رکھا گیا۔
دوسری جانب ن لیگی رہنما حنیف عباسی کے بری ہونے پر پارٹی صدر شہباز شریف نے پیغام میں کہا کہ الحمدللہ حنیف عباسی آج من گھڑت اور بے بنیاد مقدمےسے بری ہوئے، یہ بریت جس کا سامنانوازشریف سےلیکرساتھ دینےوالےہررہنما ،کارکنوں کوکرنا پڑا۔
شہبازشریف کا کہنا تھا کہ آخرکار سچ سامنے آ کر ہی رہتا ہے، یہ خطرناک الزام کاحنیف عباسی،انکےاہلخانہ نے جرات، بہادری ،استقامت سے مقابلہ کیا، مسلم لیگ(ن) کی طرف سے حنیف عباسی اور اہلخانہ کو خراج تحسین پیش کرتے ہیں.