’پاکستان سے ملائشیا جانے والوں کو بڑی سہولت‘

ملائشیا کی باٹک ائیر لائن (Batik Airline) نے پاکستانیوں کو خوشخبری سنادی، ایئر لائن نے پاکستان میں اپنے نیٹ ورک کو وسعت دیتے ہوئے کراچی کے لیے بھی براہ راست پروازیں شروع کرنے کا اعلان کیا ہے۔

ملائشیا کی باٹک ائیر لائن کراچی سے کوالالمپور کے درمیان ہفتہ وار تین پروازیں چلائے گی، جبکہ ائیر لائن آئندہ ماہ 31 اکتوبر سے کوالالمپور کراچی کے درمیان براہ راست پروازوں کا آغاز کررہی ہے۔

ائیر لائن کے اعلامیے میں کہا گیا ہے کہ ملائشیا کی باٹک ائیر لائن (Batik Airline) کی پرواز او ڈی 135 کوالالمپور سے ہر منگل، جمعرات اور ہفتے کی رات پونے 8 بجے کراچی لینڈ کرے گی۔

انہی تین دنوں کے دوران کراچی سے پرواز او ڈی 136 رات پونے 9 بجے ملائشیا کوالالمپور کے لیے روانہ ہو گی۔

اس کے علاوہ ایئر لائن کی جانب سے طلباء اور بڑے گروپس کے لئے خصوصی رعایتی پیکیج دینے کا بھی اعلان کیا ہے۔

مزیدخبروں کے لیے ہماری ویب سائٹ ہم مارخور وزٹ کریں۔