ارشد شریف قتل: تحقیقات کیلئے ٹیم کی تشکیلِ نو

اسلام آباد (نیوز ڈیسک ) صحافی ارشد شریف ( Arshad Sharif) کی کینیا میں موت کی تحقیقات کے لیے گزشتہ روز وزارتِ داخلہ نے ٹیم تشکیل دی تھی جس کی اب تشکیلِ نو کر دی گئی ہے۔

صحافی ارشد شریف کے قتل کی تحقیقات کے لیے تشکیل دی گئی دو رکنی ٹیم میں ایف آئی اے کے ڈائریکٹر اطہر وحید شامل ہیں۔

تحقیقاتی ٹیم میں ڈپٹی ڈی جی آئی بی عمر شاہد حامد بھی شامل ہیں۔

وزارتِ داخلہ کے جاری کردہ نوٹیفکیشن کے مطابق تحقیقاتی ٹیم کینیا روانہ ہوگی اور اپنی رپورٹ وزارتِ داخلہ کو پیش کرے گی۔

کینیا پولیس نے یہ تسلیم کیا تھا کہ ارشد شریف کو شناخت میں غلطی پر سر پر گولی مار کر ہلاک کیا گیا تھا۔

واضح رہے کہ سینئر صحافی اور اینکر ارشد شریف کو 23 اکتوبر کو کینیا میں قتل کیا گیا۔

مزیدخبروں کے لیے ہماری ویب سائٹ ہمارخور وزٹ کریں۔