کابل میں امریکی CIA سینٹر اب ہمارے کنٹرول میں ہے: طالبان

طالبان ، جنہوں نے افغانستان کا کنٹرول سنبھال لیا ہے ، کہتے ہیں کہ افغان دارالحکومت کابل میں سی آئی اے کا مرکز اب طالبان کے کنٹرول میں ہے۔

کابل سے جاری ایک بیان میں افغان طالبان نے کہا کہ امریکہ نے انخلاء سے قبل افغان دارالحکومت کابل میں سی آئی اے آپریشن سینٹر میں لاکھوں ڈالر کا سامان تباہ کر دیا۔

انہوں نے کہا کہ امریکہ نے سی آئی اے سینٹر میں اہم دستاویزات ، ٹینک اور اسلحہ تباہ کر دیا ، وہاں استعمال ہونے والی ہر چیز کو تباہ کر دیا۔

افغان طالبان کا یہ بھی کہنا ہے کہ ہم بارودی سرنگوں کے خطرے کے باعث کابل میں سی آئی اے سینٹر کے کچھ کمروں میں ابھی تک داخل نہیں ہوئے۔

افغان میڈیا کے مطابق طالبان نے کل کابل میں سی آئی اے آپریشنل سینٹر کا دورہ کیا۔

افغان میڈیا کا یہ بھی کہنا ہے کہ امریکی انٹیلی جنس افسران اور افغان فورسز کابل میں سی آئی اے سینٹر پر تعینات تھے۔