پی این ایس ذوالفقار کا دورۂ جدہ

پاکستانی بحری جہاز پی این ایس ذوالفقار نے سعودی بندرگاہ کا دررہ کیا۔

ترجمان پاک بحریہ کے مطابق جدہ کی بندرگاہ پر پہنچنے پر میزبان بحریہ اور پاکستانی سفارتی حکام نے جہاز کا پرتپاک استقبال کیا۔

اس موقع پر سعودی بحریہ کی ویسٹرن فلیٹ کمانڈ کے کمانڈر اور ویسٹرن نیول ایوی ایشن گروپ کے کمانڈر نے پی این ایس ذوالفقار کا دورہ کیا۔

میزبان افسران نے مشن کمانڈر اور جہاز کے کمانڈر سے ملاقات کی ، اس دوران باہمی دلچسپی کے پیشہ ورانہ امور پر تبادلہ خیال کیا گیا۔

پی این ایس ذوالفقار نے ترکی اور اطالوی بحریہ کے ساتھ بحیرہ روم میں دوطرفہ بحری مشقوں میں بھی حصہ لیا۔

پاکستانی بحریہ کے ترجمان نے یہ بھی کہا کہ مشقوں کے دوران مختلف بحری آپریشنز کا مظاہرہ کیا گیا۔