پاکستان اور ویسٹ انڈیز کا درمیان تیسرے ٹی ٹوئنٹی کے امکانات روشن

ویسٹ انڈیز کرکٹ ٹیم کے تیسرے ٹی ٹوئنٹی میچ کیلئے دستیاب تمام کھلاڑیوں کے کورونا ٹیسٹ منفی آگئے ہیں جس کے بعد سیریز کا آج آخری میچ ہونے کے امکانات روشن ہوگئے ہیں۔

اس حوالے سے پی سی بی نے میچ کے لئے پروڈکشن ٹیم کو اسٹیڈیم جانے کا گرین سگنل دے دیا۔

پاک ، ویسٹ انڈیز ون ڈےسیریز کھیلنےکافیصلہ دونوں بورڈز کےاجلاس کےبعدہوگا۔
واضح رہے کہ گزشتہ روز ویسٹ انڈین اسکواڈ کے مزید 5 ارکان کا کورونا ٹیسٹ مثبت آیا تھا، ویسٹ انڈیز کرکٹ ٹیم کے دورۂ پاکستان جاری رکھنے سے متعلق خطرے کے بادل منڈلانے لگے تھے۔
ذرائع کا بتانا ہے کہ کورونا کا شکار ویسٹ انڈین کھلاڑیوں میں اومی کرون ویرینٹ نہیں ہے، یہ 36گھنٹے کی کمرشل فلائٹ میں کورونا مثبت کیس سامنے آئے ہیں، خدشہ ہے مختلف ایئرپورٹس سے ویسٹ انڈین کھلاڑی کورونا میں مبتلا ہوئے ہیں۔
ویسٹ انڈیز کرکٹ کے مطابق 3 کھلاڑی اور2 سپورٹ ارکان میں کورونا وائرس کی تصدیق ہوئی ہے، جس کے بعد مہمان ٹیم کے اسکواڈ میں سے 6 افراد اب تک کورونا کی وجہ سے ٹور سے باہر ہوچکے ہیں۔ ذرائع کا کہنا ہے کہ کراچی کےہوٹل میں ویسٹ انڈیز ٹیم کے رپیڈ ٹیسٹ کیے جا رہے ہیں۔

کرکٹ ویسٹ انڈیز نے بتایا کہ کورونا سے متاثرہ نئے 3 کرکٹرز میں وکٹ کیپر بیٹر شائے ہوپس، دائیں ہاتھ کے اسپنر عقیل حسین، آل راؤنڈر جسٹن گریوز شامل ہیں، یہ تینوں کرکٹرز پاکستان کے خلاف باقی میچز نہیں کھیلیں گے ۔
اس کے علاوہ اسسٹنٹ کوچ راڈی ایسٹ وک اور ٹیم کے فزیشن ڈاکٹر اکشے من سنگ بھی کورونا میں مبتلا ہونے والوں میں شامل ہیں۔

A further five members of the West Indies touring party have tested positive for COVID-19 | More below: https://t.co/lOhSH1UdIu

— Windies Cricket (@windiescricket) December 16, 2021

مہمان ٹیم کے اسکواڈ میں شامل یہ پانچوں ارکان 10 روزہ آئسولیشن میں ہیں۔
دوسری جانب ویسٹ انڈیز ٹیم میں شامل ڈیون تھامس انجری کاشکار ہیں وہ پہلے ٹی ٹوئنٹی میں زخمی ہوگئے تھے۔

ذرائع کا بتانا ہے کہ کرکٹ ویسٹ انڈیز اور پاکستان کرکٹ بورڈ سیریز کے آخری ٹی ٹوئنٹی میچ سے قبل جمعرات کی صبح ایک میٹنگ کریں گے، اس کے علاوہ مہمان اسکواڈ کی ایک بار پھر کووڈ ٹیسٹنگ بھی ہوگی تاکہ ٹور کو جاری رکھنے کے حوالے سے فیصلہ کیا جاسکے۔

واضح رہے کہ دونوں ٹیموں کے درمیان جاری ٹی ٹوئنٹی سیریز میں پاکستان کو 2 صفر کی ناقابل شکست برتری حاصل ہے جبکہ سیریز کا آخری ٹی ٹوئنٹی آج کھیلا جانا ہے۔

ٹی ٹوئنٹی سیریز کے بعد دونوں ٹیموں کے درمیان 3 میچز کی ون ڈے سیریز بھی شیڈول ہےْ