وزیراعظم عمران خان نے سانحہ مری پر انکوائری کا حکم دے دیا

وزیر اعظم عمران خان نے مری میں سیاحوں کی اموات پر افسوس کا اظہار کرتے ہوئے سانحہ کی انکوائری کا حکم دے دیا۔

وزیراعظم عمران خان نے ٹوئٹر پر جاری بیان میں کہا کہ مری میں سیاحوں کی اموات پرافسردہ ہوں، غیرمعمولی برفباری، موسمی حالات معلوم کئے بغیر عوام نے مری کا رخ کیا۔


عمران خان نے کہا کہ اس صورتحال کیلئےضلعی انتظامیہ تیار نہیں تھی، سیاحوں کی اموات کےواقعےکی انکوائری کا حکم دے دیا ہے۔

اس سے قبل وزیر اعظم عمران خان کے معاونِ خصوصی برائے سیاسی روابط ڈاکٹر شہباز گِل نے بتایا کہ عمران خان نے مری واقعے پر گہرے رنج کا اظہار کیا ہے۔