نئی افغان انتظامیہ کا اعلان ہفتے تک مؤخر

افغان طالبان کے ترجمان نے کہا کہ نئی افغان انتظامیہ کا اعلان ہفتے تک موخر کیا گیا۔

افغان طالبان کے ترجمان نے میڈیا کو بتایا۔

واضح رہے کہ نئی افغان انتظامیہ کا اعلان آج نماز جمعہ کے بعد متوقع تھا۔

قبل ازیں ، برطانوی نشریاتی کارپوریشن نے اطلاع دی تھی کہ ملا عبدالغنی برادر ، ملا یعقوب اور شیر محمد عباس ستانکزئی سمیت کئی اہم طالبان عہدیدار اور رہنما نئی افغان انتظامیہ بنانے کے لیے افغان دارالحکومت کابل پہنچے ہیں۔

طالبان عہدیدار نے یہ بھی کہا کہ دارالحکومت کابل میں نئی ​​افغان حکومت کے اعلان کی تیاریاں آخری مراحل میں ہیں۔

غیر ملکی خبر رساں ادارے کے مطابق ملا عبدالغنی برادر افغان حکومت کے سربراہ ہوں گے ، ملا محمد یعقوب اور شیر محمد عباس ستانکزئی حکومت میں اہم عہدوں پر فائز ہوں گے۔

غیر ملکی خبر رساں ادارے نے یہ بھی کہا کہ طالبان رہنما ملا ہیبت اللہ اخوندزادہ مذہبی مسائل اور حکمرانی پر توجہ دیں گے۔