قندھار میں جشن آزادی کا اجتماع، ملا ہیبت اللّٰہ کی شرکت کا امکان

افغانستان سے امریکہ کے مکمل انخلاء کے بعد آج قندھار میں یوم آزادی منایا جا رہا ہے۔ انٹرنیشنل کرکٹ اسٹیڈیم میں ایک بڑی ریلی نکالی گئی جس میں امیر المومنین شیخ ملا ہیبت اللہ اخوند کی بھی شرکت متوقع ہے۔

انفارمیشن آفس کے مطابق گورنر قندھار حاجی یوسف وفا جلسہ گاہ میں آئے اور سجدہ شکر ادا کیا۔ اس کے علاوہ سینکڑوں لوگ اجلاس میں شرکت کے لیے پہنچ رہے ہیں۔

ذرائع کے مطابق فوجی ساز و سامان سے لیس فوجی گاڑیاں قندھار شہر کی سڑکوں پر گشت کرتی ہیں جبکہ ہیلی کاپٹر گن شپ شہر کی فضائی نگرانی کرتے ہیں۔