ٹی ٹوینٹی ولڈ کپ کے اہم سیمی فائنل میں تبدیلی کا امکان ابھی بھی موجود ہے۔
آج کھیلے جانے والے سیمی فائنل میں شعیب ملک اور محمد رضوان کی جگہ سرفراز احمد اور حیدر علی کو ٹیم میں شامل کیے جانے کے امکانات بھی موجود ہیں۔
مینیجر منصور رانا کے مطابق دونوں کھلاڑی بہت بہتر محسوس کر رہے ہیں، میڈیکل پینل یو اے ای ٹائم کے مطابق دوپہر میں دونوں کھلاڑیوں کا دوبارہ جائزہ لے گا، معائنے کے بعد پی سی بی میڈیا کو تفصیلات سے آگاہ کر دے گا۔
اُن کا مزید کہنا تھا کہ فلُو اور معمولی بخار کی وجہ سے دونوں نے گزشتہ روز پریکٹس میں حصہ نہیں لیا تھا، تاہم دونوں کھلاڑی سیمی فائنل کھیلنا چاہتے ہیں۔
قومی کرکٹ ٹیم کے وکٹ کیپر بیٹسمین محمد رضوان اور آل راؤنڈر شعیب ملک صحت میں بہتری محسوس کر رہے ہیں، دونوں کھلاڑیوں کے سیمی فائنل کھیلنے کے امکانات روشن ہوگئے ہیں۔
واضح رہے کہ گزشتہ روز پاکستان ٹیم کے دو قابل اعتماد بیٹسمین شعیب ملک اور محمد رضوان فلُو میں مبتلا ہوگئے تھے، انہیں معمولی بخار بھی تھا تاہم ان کی کووڈ ٹیسٹ کی رپورٹ کلیئر آئی، البتہ ڈاکٹر نے انہیں آرام کا مشورہ دیا۔
آج کے میچ کی فاتح ٹیم 14 نومبر کو فائنل میں نیوزی لینڈ سے سامنا کرے گی۔
کرنسی ریٹ
| Currencies | Rate | Change % |
|---|---|---|
 USD | 285.73 | –0.43% |
 SAR | 76.18 | –0.44% |
 AED | 77.79 | –0.43% |
 CAD | 208.42 | –0.65% |
 AUD | 180.02 | –1.41% |
 GBP | 344.98 | –0.55% |
Currency exchange rates in PKR on October 3, 2023