اسلام آباد(نیوز ڈیسک) چیئرمین پیپلز پارٹی بلاول بھٹو زرادری نے کہا ہے کہ حکومت نے پٹرولیم ڈیلرز کے مطالبات کے معاملے میں نااہلی دکھائی، پٹرول پمپ بند ہونے سے آج پورا ملک پریشان ہے۔
ایک بیان میں چیئرمین بلاول بھٹو نے کہا کہ ملک بھر میں بیشتر پٹرول پمپ بند ہیں، اکثر پر گاڑیوں کی قطاریں لگی ہیں، کاروباری امور متاثر ہیں، یہ حکومت کی ناکامی ہے۔
انہوں نے کہا کہ امورِ زندگی ٹھپ کرکے عمران خان نے ہر پاکستانی کی زندگی اجیرن کردی، پی ٹی آئی حکومت حل ہونے والے مسائل بھی نااہلی سے بحران بنا دیتی ہے۔
پی پی چیئرمین نے مزید کہا کہ عوام پہلے ہی ملکی تاریخ کا مہنگا ترین پٹرول خرید رہے ہیں، پٹرولیم مصنوعات کی قیمتوں میں اگلا اضافہ تباہ کن ہوگا۔
اُن کا کہنا تھا کہ مہنگی بجلی، قلت کے ساتھ مہنگا پٹرول، گیس پی ٹی آئی ایم ایف ڈیل کے تحفے ہیں، پہلے دن سے ہم نے پی ٹی آئی بجٹ کو ناکام کہا۔
بلاول بھٹو زرداری نے یہ بھی کہا کہ بجٹ کے ثمرات سے ثابت ہوگیا کہ عمران خان نااہل حکمران ہیں۔
بریکنگ
- •تھائی لینڈ: وزیراعظم نے پارلیمنٹ تحلیل کرکے مئی میں عام انتخابات کا اعلان کردیا
- •عمران خان کے بھانجےاور پی ٹی آئی کے فوکل پرسن حسان نیازی اسلام آباد سے گرفتار
- •پاکستانی ایٹمی پروگرام محفوظ، ہم مطمئن ہیں، امریکا
- •علی امین گنڈا پور کی پولیس چیک پوسٹ پر فائرنگ
- •اسلام آباد پولیس کے فاشزم کی مثال نہیں ملتی، عمران خان