بھارت، لڑکی شادی کا جوڑا پہن کر امتحانی مرکز پہنچ گئی

اسلام آباد (مانیٹرنگ ڈیسک) بھارتی ریاست گجرات میں دلہن نے انوکھا انداز اپنا لیا، لڑکی شادی کا جوڑا پہن کر امتحان دینے پہنچ گئی۔
شیوانی نامی دلہن اپنے شوہر کے ہمراہ امتحان دینے کے لیے صبح کالج میں حاضر ہوئی اور پرچہ حل کرنے کے بعد شادی کی تقریب میں پہنچی۔
صحافیوں سے بات کرتے ہوئے دلہن شیوانی نے بتایا کہ دونوں خاندانوں نے ان کے امتحان دینے کے فیصلے کی حمایت کی۔
انہوں نے کہا کہ امتحان دینے کے لیے دونوں خاندانوں نے شادی کا وقت آگے بڑھانے کی حمایت کی تھی۔