بالی وڈ کی معروف اداکارہ شبانہ اعظمی 71 برس کی ہو گئیں

راولپنڈی(شوبز ڈیسک) بالی وڈ کی معروف اداکارہ شبانہ اعظمی 71 سال کی ہو گئیں۔بھارتی میڈیا کے مطابق اداکارہ شبانہ اعظمی 18 ستمبر 1950 کوحیدر آباد میں پیدا ہوئیں۔ خیال رہے کہ شبانہ عظمی نے قومی فلم ایوارڈ برائے بہترین اداکارہ پانچ بار حاصل کیا اور متعدد بین الاقوامی اعزازات جیت چکی ہیں۔ انہیں پانچ فلم فیئر ایوارڈز بھی مل چکے ہے اور انہیںبھارت کے تیسرے بین الاقوامی فلمی میلے میں “سنیما کی خواتین” سے بھی نوازا گیا تھا۔ 1988 میں، حکومت ہند نے انہیں ملک کا چوتھا سب سے بڑا شہری اعزاز ، پدما شری سے نوازاہے ۔