ایشین چیمپینزٹرافی کیلیے 20 رکنی قومی ہاکی ٹیم کا اعلان

پاکستان ہاکی فیڈریشن نے ایشین چیمپینز ٹرافی کیلئےقومی ہاکی ٹیم کا اعلان کر دیا۔ ایونٹ میں عمربھٹہ قومی ہاکی ٹیم کی قیادت کریں گے جب کہ علی شان نائب کپتان ہوں گے۔ ہاکی ٹیم کےہیڈ ‏کوچ اولمپئن خواجہ جنیدہوں گے۔ ایشین چیمپینزٹرافی کیلئے 20 رکنی قومی ہاکی ٹیم کا اعلان کیاگیا ہے۔
ہاکی فیڈریشن کے سیکریٹری آصف باجوہ نے ‏کہا کہ قومی سینئر ٹیم اولمپکس اور ورلڈ کپ کے لیے کوالیفائی کرلے گی۔
انہوں نے کہا کہ ہاکی کی بہتری کے لیے جو ضروری اقدامات تھے وہ کرلیے گئے ہیں، آئندہ سال قومی ٹیم چار ‏بڑے ایونٹ کھیلے گی۔ آصف باجوہ کا کہنا تھا کہ جونیئر ہاکی ٹیم میں سے پانچ سے چھ لڑکے سینئر ٹیم کو دستیاب ہوں گے جو ایشیا ‏کپ کھیلیں گے اور ان کی کارکردگی بہت اچھی رہی ہے۔